Golden Values Academy

Mayroon akong paaralan

Golden Values ang pangalan

Hindi man kalakihan

ngunit maipagmamalaki ng karamihan

Ito ay maraming kagandahan

sa loob at labas ng silid-aralan

Mga magagandang katangian

narito sa aming eskwelahan

Mga masisipag at kagalang-galang guro

dito sa amin matatagpuan

Mabubuti at magagandang itinuturo

dito sa ami'y pinahahalagahan

Marami man silang naririnig na kuru-kuro

ito'y patuloy pa ring nilalagpasan

Mga guro nami'y mabubuting tao

kaya't dapat respetuhin ng sino man sa ating bayan

Ngunit paano makukumpleto

ang isang paaralang wala nito?

Mga mag-aaral na bumubuo

ng mga ideya sa loob nito

Pasaway man at makukulit dito

marami rin namang talentado

Isang buong pamilya ang makikita mo

sa loob ng paaralan ko

Maraming bagay ang makukuha sa paaralan ko

tulad na lamang ng mga natutunan namin

Paniguradong mailalabas mo ang mga kakayahan mo

dahil sa mga gurong nakaalalay sa atin

Matututong makialinsabay sa ibang tao

dahil sa mga mag-aaral na maaaring kaibiganin

Kaya't kung ika'y kulang sa ensayo

halika at tuturuan ka namin

Kung ika'y nangangailangan ng tulong

halika't ika'y aming tutulungan

Halina't sa ami'y makipagpulong

nang sa gayo'y tayo'y magkasiyahan

Dito sa amin kahit sino'y igagalang

kung kaya't ika'y walang pagsisisihan

Golden Values Academy ay hindi uurong

at patuloy na makikipagsapalaran!